XƏBƏR LENTİ

17 Fevral 2017
16 Fevral 2017

10 Yanvar 2017 - 17:43

Rusiya azərbaycanlı səfirin mühafizəsini gücləndirdi

sefir-rusiya-behreyn-300x170

Rusiyanın Bəhreyn Krallığındakı azərbaycanlı səfiri Vaqif Qarayevin mühafizəsi gücləndirilib.

Paytaxt Manamada yerləşən səfirliyin ərazisində mühafizəçilərin sayı artırılıb, ora xüsusi cihzalar gətirilib.
Səfir Vaqif Qarayev baş verənləri Türkiyədəki səfir Andrey Karpovun öldürülməsi və Fars körfəzi ölkələrində Rusiya səfirlikləri önündə etiraz aksiyalarının keçirilməsi ilə əlaqələndirib.

“Bəli, səfirliyin təhlükəsizliyi gücləndirilib. Amma aksiyalar başa çatdırdan sonra diplomatik fəaliyyətimizi əvvəlki qaydada davam etdirəcəyik.

Qeyd edək ki, Rusiyanın Bəhreyn Krallığındakı səfiri Vaqif Qarayev milliyətcə azərbaycanlıdır.

Vaqif Məmmədvəli oğlu Qarayev 1955-ci il yanvarın 24-də Mingəçevir şəhərində anadan olub. O 1978-ci ildə Moskva Diplomatik Əlaqələr İnstitutunu və 1997-ci ildə Rusiya Diplomatik Akademiyasının ali kursunu bitirib.
Azərbaycan mənşəli diplomat Rusiya XİN-inin Konsulluq departamentində şöbə rəisi (1994-1999), Rusiyanın Hələbdəki (Suriya) baş konsulu (1999-2003), Ərbildəki (İraq) baş konsulu (2007-2010 və Bəsrədəki (İraq) baş konsulu (2010-2014) vəzifələrində çalışıb.

Vaqif Qarayev Prezident Vladimir Putinin 2014-cü il 29 dekbar tarixli fərmanı ilə ölkənin Bəhreyndəki səfiri təyin olunub.

Vaqif Qarayev Azərbaycan, ərəb, erməni, fransız və türk dillərində sərbəst danışır. (Modern.az)



Oxşar Yazılar