XƏBƏR LENTİ

17 Fevral 2017
16 Fevral 2017

19 Dekabr 2016 - 22:26

Rusiyanın Türkiyədəki səfiri Ankarada qətlə yetirildiFOTO VİDEO

rus-sefir-turkiye

Baş verənlərlə bağlı Kremldən ilkin açıqlama gəlib. Kreml rəsmisi Dmitri Peskov hadisə ilə bağlı Rusiya prezidenti Putinin məlumatlandırıldığını bildirib.

Peskov Rusiya Xarici İşlər Nazirliyinin də  Türk səlahiyyətlilərlə sıx  təmasda olduğunu açıqlayıb.

***

aaa

Son məlumata görə, Rusiya səfiri yaralı olaraq yerləşdirildiyi xəstəxanada dünyasını dəyişib.

***

Rusiyanın Türkiyədəki səfiri Andrey Karlov Ankarada güllələnib. Onun ağır yaralı olaraq xəstəxanaya yerləşdirlidiyi deyilir.

Hadisə Ankara Çağdaş Sənətlər Mərkəzində baş verib. Səfir Mərkəzdə bir rəsm sərgisinin açılışında iştirak edirmiş.

Silahlı şəxs atəş açmazdan öncə “günahsız insanları öldürdünüz, ya Allah, bismillah” deyə qışqırmağa başlayıb. O, daha sonra bunları deyib:

“Hələbi unutmayın, Suriyanı unutmayın. Bəndələrimiz güvəndə olmayınca, sizlər güvənin nə olduğunu dadmayacaqsınız. Məni burdan yalnız ölüm ayıra bilər. Bu zülmdə payı olan kim varsa, hamısı tək-tək hesabını verəcək”.

aaaa

Açılış mərasimindən sonra çıxış etmək üçün kürsüyə qalxan Karlov qəfildən odlu silahla hücuma məruz qalıb. Rusiya səfirliyinin rəsmiləri jurnalistlərə deyiblər ki, hücumu “radikal İslamçı terrorçular” həyata keçirib.

Türkiyənin “Hürriyet” qəzetinin hadisə yerində olan fitimüxbiri deyib ki, silahlı şəxs əvvəlcə havaya atəş açıb. Sonra səfiri kürəyindən güllələyib. Daha sonra salondakı adamları oradan çıxmağa məcbur edib və içəridə qalan səfirə əlavə güllələr vurub. İddialara görə silahlı şəxs salona polis vəsiqəsi göstərərək girib. Əynində kostyum və qalstuk olub.

Yenilik olduqca məlumata əlavə ediləcək.



Oxşar Yazılar